Xəbər verdiyimiz kimi, İstanbulun Çatalca bölgəsində miqrant qaçaqmalçılığında istifadə edildiyi güman edilən, mənşəyi məlum olmayan insansız kater aşkarlanıb.

"Unikal" xəbər verir ki, Çatalca Prokurorluğu hadisə ilə bağlı araşdırma başladıb və verilən ilkin açıqlamada katerdə hər hansı sursat olmadığı bildirilib.

Rəsmi mənbələrin məlumatına görə, kater qeyri-qanuni miqrasiya üçün istifadə olunub. Detallar açıqlanmayıb.

Hadisə bu gün yerli vaxtla saat 12 radələrində Akalan bölgəsindəki çimərlikdə baş verib. Əvvəlcə çimərliyin xilasediciləri kateri görüb ona tərəf gediblər.

Daha sonra katerin müxtəlif qurğu və cihazlarla təchiz olunduğunu görən xilasedicilər dərhal hüquq mühafizə orqanlarına xəbər veriblər.

Hadisə ilə bağlı araşdırma başladılıb və katerin hansı ölkəyə aid olduğu müəyyənləşdirilir.