"Heç kim Ukraynanı sülh yolu ilə danışıqlar aparmağa inandırmayacaq, çünki bu, mümkün deyil".

"Unikal" xəbər verir ki, bu barədə ölkənin xarici işlər naziri Dmitri Kuleba TSN telekanalına müsahibəsində bildirib.

“Heç kim bizi danışıqlara razı sala bilməz, çünki bizi razı salmaq mümkün deyil. İstənilən qərarı biz özümüz qəbul edəcəyik”, - diplomat Çinin Ukraynanı danışıqlara sövq edib-etməməsi sualına cavab verib.

O, həmçinin qeyd edib ki, Kiyevi dəstəkləyən Qərb ölkələri onu danışıqlara razı salmağa çalışmır.