Cənubi Avstraliya Universitetinin alimləri hamiləlik zamanı siqaret çəkmə ilə uşaqların məktəb qiymətləri arasında əlaqə tapıblar.

"Unikal" xəbər verir ki, tədqiqat Addictive Behaviors (AddBehv) elmi jurnalında dərc olunub.

Komanda 723 877 nəfərin məlumatlarını təhlil edib və aşkar olunub ki, doğuşdan əvvəl tütünə məruz qalan uşaqlar, anaları hamilə olarkən siqaret çəkməyən sinif yoldaşları ilə müqayisədə zəif akademik performansdan 49% daha çox əziyyət çəkirlər.

Statistikaya görə, təkcə Avstraliyada 2021-ci ildə uşaq dünyaya gətirən qadınların 8,7%-i hamiləlik dövründə hansısa məqamda siqaret çəkib.

“Prenatal siqaret çəkmənin çoxlu hamiləlik fəsadlarına, o cümlədən tələf olma, ölü doğum, böyümə və inkişaf ləngimələri və ciddi doğuş qüsurlarına səbəb olduğu bilinir. Həm də mənfi psixi sağlamlıq nəticələri və davranış problemləri yaranır. Bizim yeni araşdırmamız üzə çıxarıb ki, ananın doğuşdan əvvəl siqaret çəkməsi uşağın akademik göstəricilərini məhdudlaşdırmaq və onun məktəbdə həmyaşıdlarından əhəmiyyətli dərəcədə geri qalmasına səbəb olmaq üçün əhəmiyyətli risk daşıyır”, - tədqiqatın müəllifləri bildiriblər.