Moskvanın Basmannı məhkəməsi "Crocus City Hall" konsert zalında törədilən terror aktı ilə bağlı işdə iştirak edənlərin həbs müddətini uzadıb.

"Unikal" xəbər verir ki, bu barədə məhkəmənin mətbuat xidməti məlumat yayıb 

“Moskvanın Basmannı rayon məhkəməsinin qərarı ilə Ş.Qadoyev, Z.A.İsmoilov, M.A.Soliyev, U.A.Soliyev, X.Ə.Xamidov həbs müddətini dekabrın 1-dək uzadılıb”, - mətbuat xidmətindən bildirilib. 

Qeyd edək ki, martın 22-də Moskvadakı “Crocus City Hall”da terror aktı törədilib. Terrorda 144 nəfər həlak olub, 551 nəfər isə yaralanıb. Eyni zamanda, 95 nəfər itkin düşmüş və ya "hesaba qatılmamış" sayılır. 

“Crocus City Hall” azərbaycanlı iş adamı Araz Ağalarova məxsusdur.

Gülayə Mecid