UEFA Avropa Liqasının Liqa mərhələsinin 4-cü turunda keçiriləcək “Bodo Qlimt” (Norveç) - “Qarabağ” matçında təmsilçimizi dəstəkləmək istəyən azarkeşlər üçün biletlər satışa çıxarılıb.

"Unikal" xəbər verir ki, bu barədə "Qarabağ"ın azarkeşlərə etdiyi müraciətdə qeyd olunub.

Biletlər bu gün saat 14:00-dan etibarən iTicket.az-da onlayn şəkildə satışa çıxarılacaq. Azarkeşlər əldə etdikləri vauçerləri oyun günü saat 14:00-dan 16:00-a kimi "Scandic Havet" (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidir. Biletlərin qiyməti 55 AZN-di.

Vauçerləri əldə edən şəxslər vauçerləri biletə dəyişərkən şəxsiyyətini təsdiq edən sənəd üzərində olmalıdır.

Qeyd edək ki, "Bodo Qlimt" - "Qarabağ" matçı noyabrın 7-də, Bakı vaxtı ilə saat 21:45-də keçiriləcək.