Qax rayonunda baş verən qəza ilə bağlı Daxili İşlər Nazirliyi məlumat yayıb.

DİN-in Mətbuat Xidmətinin Şəki regional qrupundan "Unikal"a  bildirilib ki, bu gün saat 17 radələrində Qax rayonunun Əmircan kəndi ərazisində Günay Hüseynovanın idarə etdiyi “Nissan” markalı avtomobil idarəetmədən çıxaraq ağaca çırpılıb. Nəticədə nəqliyyat vasitəsindəki 2024-cü il təvəllüdlü körpə həyatını itirib.
Faktla bağlı cinayət işi başlanılıb, araşdırmalar aparılır.

XXX

17:35

Qaxda baş verən qəzada körpə dünyasını dəyişib.

"Unikal" xəbər verir ki, hadisə Qax-Qoragan avtomobil yolunun rayonun  Əmircan  kəndi ərazisindən keçən hissəsində baş verib. Belə ki, sürücünün idarə etdiyi "NİSSAN" markalı avtomobil idarəetmədən çıxaraq, yol kənarındakı qoz ağacına çırpılıb.

Hadisə zamanı avtomobildə olan bir körpə uşaq  dünyasını dəyişib.

Faktla baglı araşdırma aparılır.

Seymur Əli