İstanbul Böyük Şəhər Bələdiyyəsinin sədri Əkrəm İmamoğlu COP29-da iştirak etmək məqsədilə Bakıda səfərdədir.

"Unikal" xəbər verir ki, bu barədə məlumatı İmamoğlu öz X hesabında paylaşıb.

O, səfər çərçivəsində ilk növbədə ümummilli lider Heydər Əliyevin məzarını, eləcə də “Türk şəhidliyi” abidəsini ziyarət edib.

Müxalifət liderinin sözlərinə görə, o, sammitdə Braziliya, Yaponiya və Albaniyadan olan nümayəndələrlə ətraf mühit və sosial məsələlərlə bağlı konfransda iştirak edib.