Futbol üzrə dünya çempionatında (DÇ-2026) Kanada millisinin yarımmüdafiəçisi İsmael Konenin ayağı sınıb.
"Unikal" xəbər verir ki, görüşün 52-ci dəqiqəsində, hesab 3:0 Kanadanın xeyrinə olarkən qətərli müdafiəçi Assim Modibo Koneyə qarşı kobud oynayıb. Qayda pozuntusundan sonra zədələnən futbolçu meydanı xərəkdə tərk etmək məcburiyyətində qalıb.
İlkin ehtimallara görə, kanadalı oyunçu 4-5 ay müddətinə yaşıl meydanlardan uzaq qalacaq.
Matç başa çatdıqdan sonra Modibo Kanada millisinin paltardəyişmə otağına yollanaraq zədələdiyi futbolçudan üzr istəyib.
Qeyd edək ki, həmin sözügedən oyunda Kanada millisi Qətəri 6:0 hesabı ilə məğlub edib.
