Göygöldə 1 nəfərin xəsarət alması ilə nəticələnən yol qəzası olub.

"Unikal"ın məlumatına görə,  hadisə Bakı-Qazax magistralının rayonun Hacıməlik qəsəbəsindən  keçən hissəsində qeydə alınıb. Üzü Qazax istiqamətdə hərəkətdə olan “Renault Megane” markalı minik maşını yoldan çıxaraq  dərəyə aşıb. Qəzadan sonra minik maşını qaz xəttinə çırpılıb. Nəticədə qaz xətti sıradan çıxıb,rayonun Hacıməlik qəsəbəsinin bir hissəsinə qazın verilməsində fasilə yaranıb.

Avtomobilin sürücüsü - Gəncə şəhər sakini  1968-ci il təvəllüdlü Namiq Cəfərov  xəsarət alaraq xəstəxanaya yerləşdirilib, vəziyyətlərin orta ağır olduğu bildirilir.

Faktla bağlı araşdırma aparılır.

Tural Əhmədov