Kursk şəhərinin Leninski Rayon Məhkəməsi Kursk vilayəti ərazisinə qanunsuz daxil olmuş Fransa mediasının nümayəndəsi Ketrin Norris Trentin qiyabi həbsinə qərar verib.

"Unikal" Rusiya mediasına istinadən xəbər verir ki, bu barədə regional məhkəmə sisteminin mətbuat xidmətinin məlumatında deyilir. 

Qeyd olunur ki, Fransanın “France 24” telekanalının jurnalisti naməlum şəxslərlə birlikdə vilayətin Sudjanski rayonu ərazisinə daxil olub.

Trent reportaj çəkmək üçün Ukrayna Silahlı Qüvvələrinin (AFU) avtomobili ilə sərhədi keçib.

Jurnalist həm də federal, dövlətlərarası və beynəlxalq axtarışa verilib.

O, Rusiya Federasiyası Cinayət Məcəlləsinin 322-ci (“Rusiya Federasiyasının dövlət sərhədini qanunsuz keçmə”) maddəsi ilə ittiham olunur.