Cəlilabad şəhərində ümumi sahəsi 1200 m² (hər mərtəbəsi 400 m²) olan üçmərtəbəli otel binasının 2-ci mərtəbəsində 1 otağının yanar konstruksiyaları 12 m² sahədə yanıb.

"Unikal" xəbər verir ki, bu barədə Fövqaladə Hallar Nazirliyindən məlumat verilib.

Bildirilib ki, yüksək temperaturdan dəhlizin divarları 21 m² sahədə qarsalanıb. Otel binasının qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

***16:17

Cəlilabad şəhərində yerləşən oteldə baş verən yanğın söndürülüb.

"Unikal"ın məlumatına görə, yanğın nəticəsində otelin 2-ci mərtəbəsində yerləşən bir otaq əşyaları ilə birlikdə yanıb. 

İlkin məlumata görə, yanğın zamanı xəsarət alan olmayıb.

Hazırda araşdırmalar davam etdirilir.

*** 15:57

Cəlilabad rayonunda yanğın hadisəsi baş verib. 

"Unikal"ın məlumatına görə, hadisə şəhər ərazisində yerləşən otellərdən birində qeydə alınıb. Hadisə yerinə Fövqəladə Hallar Nazirliyinin müvafiq qüvvələri cəlb olunub. 

Hazırda yanğın söndürmə işləri aparılır. 

Faktla bağlı araşdırma aparılır. 

Xəlil Əliyev