"Qarabağın təhvil verilməsi iki mərhələdə həyata keçirilib: birincisi müharibədən əvvəl 2018-2020-ci illərdə, ikincisi isə 2020-ci ildən başlayaraq 2023-cü ilin sentyabrına qədər". 

"Unikal" xəbər verir ki, bunu Ermənistanın ikinci prezidenti Robert Köçəryan fevralın 17-də keçirdiyi mətbuat konfransında deyib. 

"Baş nazir 2019-cu ildə çox məqbul bir təklifə məhəl qoymadı və danışıqlara sıfırdan başladığını söylədi. Bu o deməkdir ki, o, həmsədrlərə "siz kimsiniz, 25 ildir nə işlə məşğulsunuz?" deyir və mahiyyət etibarı ilə danışıqlar prosesi dalana dirənir. O, bəyan etdi: Artsax Ermənistandır və nöqtə. Əgər belədirsə, onlar nə barədə danışıqlar aparmalı idilər? Bu, əslində müharibəyə çağırış idi", - deyə Köçəryan qeyd edib. 

Ağarza Elçinoğlu