Pakistanın keçmiş baş naziri və müxalif Ədalət Hərəkatının qurucusu İmran Xan Pakistan Dünya Alyansı (PWA) hüquq müdafiə təşkilatı tərəfindən Nobel Sülh Mükafatına namizəd göstərilib.

"Unikal" xəbər verir ki, bu barədə xarici KİV məlumat yayıb. 

PWA Pakistanda insan haqları və demokratik dəyərlərə verdiyi töhfəyə görə Xanın namizədliyini irəli sürüb.

Bu, artıq siyasətçinin mükafata ikinci namizədliyidir. O, 2019-cu ildə Hindistanla münaqişəni azaltmaq səylərinə görə bu vəzifəyə namizəd göstərilib. O zaman Pakistan parlamenti bu təşəbbüsü dəstəklədi, lakin Xan özü bildirdi ki, o, özünü mükafata layiq hesab etmir.

İmran Xan 2018-2022-ci illərdə Pakistan hökumətinə rəhbərlik edib. 2022-ci ilin aprelində parlamentdə etimadsızlıq səsverməsindən sonra hakimiyyətdən uzaqlaşdırılıb. O, 2023-cü ildən korrupsiya və vəzifə səlahiyyətlərindən sui-istifadə ittihamı ilə 14 illik həbs cəzası çəkir.

Ağarza Elçinoğlu