Myanmada baş verən zəlzələ nəticəsində ölənlərin sayı 3301 nəfərə çatıb.

"Unikal" xəbər verir ki, bu barədə "Sinxua" agentliyi məlumat yayıb. 

Məlumata görə, 4792 nəfər isə yaralanıb.

Xatırladaq ki, martın 28-də Cənub-Şərqi Asiyada güclü zəlzələ baş verib. Müxtəlif məlumatlara görə, onun maqnitudası 7,7-7,9 arasında dəyişib. ABŞ Geoloji Xidməti (USGS) zəlzələnin episentrinin Mandalaydan təxminən 17,2 km aralıda, 10 km dərinlikdə olduğunu bildirib. Bunun ardınca 6,4 maqnitudalı ikinci zəlzələ də baş verib.

Myanmada bir həftəlik milli matəm elan edilib. Ölkənin dövlət bayrağı aprelin 6-dək yarıya qədər endirilib.