Azərbaycan Ukraynanı siyasi səbəblərə görə dəstəkləyir.

"Unikal" xəbər verir ki, bunu Lenta.ru-ya müsahibəsində Federasiya Şurasının beynəlxalq məsələlər üzrə komitəsinin sədr müavini Andrey Klimov deyib.

"Yada salaq ki, Azərbaycan, Türkiyə və bir sıra digər dövlətlər Ukrayna ilə bu və ya digər şəkildə əməkdaşlıq edir. Hindistan da. Görün, bu gün Kiyevdə nə qədər səfirlik fəaliyyət göstərir”, - deyə Klimov bildirib.

O xatırladıb ki, hətta Kollektiv Təhlükəsizlik Müqaviləsi Təşkilatına üzv olan, yəni Rusiya Federasiyası ilə eyni müdafiə ittifaqında olan ölkələr də Ukraynanın ərazi bütövlüyünü “özlərinin başa düşdüyü kimi” dəstəkləyiblər. Lakin Azərbaycan KTMT-nin üzvü deyil.

"Mən bütün bunları təkzib etməzdim, çünki bu, müasir dünyamızın bir hissəsidir. Bu, hər şeydən əvvəl siyasətdir, domino oyunu deyil", - deyə Klimov fikrini yekunlaşdırıb.