İranın İnformasiya Nazirliyi (Kəşfiyyat) İsrailin nüvə sektoru ilə bağlı çoxlu məxfi sənədləri əldə etdiyini açıqlayıb.

"Unikal" xəbər verir ki, bu barədə "Tasnim" nəşri məlumat dərc edib. 

"İran kəşfiyyat xidmətləri işğal olunmuş ərazilərdən İsrail rejiminin nüvə obyektləri ilə bağlı çoxlu sayda sənədləri və məxfi məlumatları tapıblar”, - nəşr yazır. 

Qeyd olunur ki, ələ keçirmə əməliyyatı bu yaxınlarda baş tutub, lakin öyrənilməsi və təhlükəsiz yerə daşınması lazım olan sənədlərin çox olması səbəbindən məlumat verilməyib.