Avropanın ən böyük Rotterdam limanı Rusiya ilə qarşıdurmada müdafiə qabiliyyətinin artırılması kampaniyası çərçivəsində NATO-nun tələbi ilə hərbi yüklərin qəbulu üzrə təlimlər keçirməyi planlaşdırır.
"Unikal" xəbər verir ki, bu barədə "Financial Times" yazır.
"Hər terminal hərbi yükləri qəbul etmək üçün təchiz olunmayıb. Böyük həcmdə hərbi yüklərin çatdırılmasına ehtiyac yaranarsa, biz Antverpen və ya digər limanlara üz tutacağıq", - limanın idarəedici şirkətinin rəhbəri Baudouin Simons nəşrə bildirib.
Təlimlər çərçivəsində gəmilərin ildə bir neçə dəfə liman estakadasına yanaşması və eniş təlimlərinin keçiriləcəyi gözlənilir.
