Bu gün UEFA Avropa Liqasında 1-ci təsnifat mərhələsinə yekun vurulavaq.

"Unikal" xəbər verir ki, Azərbaycan təmsilçisi "Sabah" da mərhələnin cavab matçına çıxacaq.

Ölkə kubokunun qalibi səfərdə "Çelye"nin qonağı olacaq. Bakıda keçirilən ilk görüşdə Sloveniya təmsilçisi 3:2 hesabı ilə qalib gəlib. Bu isə o deməkdir ki, "Sabah"ı səfərdə çətin sınaq gözləyir.

İki matçın cəmində üstün olan tərəf 2-ci turda  AEK (Kipr) – “Partizan” (Serbiya) cütünün qalibi ilə üz-üzə gələcək. Məğlub komanda isə yoluna Konfrans Liqasında davam edəcək və "Birkirkara" (Malta) - "Petrokub" (Moldova) cütünün qalibi ilə qarşılaşacaq.

17 iyul

UEFA Avropa Liqası

1-ci təsnifat mərhələsinin cavab oyunu

22:00.“Çelye” (Sloveniya) – “Sabah” (Azərbaycan)

İlk oyun - 3:2
Hakimlər: Draqomir Draqanov, Xristo Haciyski, Krasimir Atanasov, Martin Jivkov Velikov (Bolqarıstan)
“Selye” stadionu