"Real"ın hücumçusu Kilian Mbappe polis əməkdaşlarına rüşvət verməkdə şübhəli bilinir.

"Unikal" xəbər verir ki, bu barədə "RMC Sport" məlumat yayıb.

Telekanal iddia edir ki, 2023-cü ilin iyununda Fransa millisini qoruyan bütün polislər Mbappenin bank hesabından yazılmış çeklər alıblar. Onlardan dördü hər biri 30 min avro, müdiri isə 60 min 300 avro alıb. Futbolçunun özünün dediyinə görə, o, 2022-ci ildə Qətərdə keçiriləcək dünya çempionatında iştiraka görə aldığı bonusun məbləğini onlara bağışlamaq qərarına gəlib.

İyunun 3-də Mbappe ilə Real Madrid arasında müqavilənin imzalanması rəsmən açıqlanıb.Hücumçu İspaniya nəhənginə azad agent kimi keçib. Bundan əvvəl forvard 2017-ci ildən çıxış etdiyi Fransanın PSJ-də çıxış edib.