"Kəpəz" sabiq yarımmüdafiəçisi Olavale Onanuqanı geri qaytarıb.
"Unikal" xəbər verir ki, məlumatı Gəncə klubunun mətbuat xidməti yayıb.
27 yaşlı futbolçu ilə 1 illik müqavilə imzalanıb.
Qeyd edək ki, nigeriyalı yarımmüdafiəçi 2023/2024 mövsümündə də "sarı-göylər"in formasını geyinib. O, "Kəpəz"də meydana çıxdığı 27 oyunda 2 qol müəllifi olub. Sözügedən oyunçu Gəncə təmsilçisindən ayrıldıqdan sonra "Əl-Nəsr" (Küveyt) və "Bney Yehuda" (İsrail) klublarının uğurları üçün çalışıb.
