Belçikalı paralimpiyaçı atlet Marieke Vervoort Paralimpiya Oyunlarından sonra evtanaziya ilə həyatına son verəcək.

Unikal.org azertag-a istinadən xəbər verir ki, 37 yaşlı Marieke Vervoort müalicəsi mümkün olmayan xəstəliyin verdiyi ağrılara dözə bilmədiyi üçün belə bir qərar qəbul edib.

2012-ci il London Paralimpiya Oyunlarında əl pedallı velosiped ilə 100 metr məsafəyə yarışda qızıl medal qazanan Vervoort hazırda həyata bağlanmaq üçün tək səbəbinin Paralimpiya Oyunları olduğunu deyib. O bildirib ki, ağrılardan can qurtarmaq üçün ölkəsində qanuni olan evtanaziya ilə həyatına son verəcək.

Orqanizmi yeniləmə xüsusiyyətini itirdiyi üçün ağrıları hər gün daha da artan qadın idmançı yas mərasimi ilə bağlı vəsiyyətini də açıqlayıb: "Rio-2016 mənim son arzumdur. Karyeramı podrumla bitirmək istəyirəm. Öldükdən sonra yas mərasimimdə tort verilməsini istəmirəm. Yasa gələnlər məni xatırlamaq üçün bir qədəh şampan içsə yetər.