"Çelsi" Premyer Liqanın 14-cü turunda "Mançester Siti" ilə oyundan sonra baş verən insidentə görə cəzalandırıla bilər.

Unikal.org goal.az-a istinadən xəbər verir ki, İngiltərə Futbol Assosasiyası "zadəganlar"ın aktivindən xal silmək variantını nəzərdən keçirir. Həmin oyunun sonlarında David Luizin Aqueroya qarşı kobudluğundan sonra futbolçular mübahisə etməyə başlamış, nəticədə "Siti"nin iki futbolçusu qırmızı vərəqə almışdı. FA hər iki komandaya qarşı intizam işi açmışdı. Amma "Çelsi" son 19 ayda artıq 4-cü dəfə analoji hadisənin iştirakçısı olduğundan klubun bir neçə xalı silinə bilər.