Xalq artisti, ustad xanəndə Ağaxan Abdullayevin əlil arabasında yayılan fotosu sosial şəbəkədə insanlar tərəfindən məyusluqla qarşılanıb.

Unikal.org  xəbər verir ki, milli.az-a açıqlama verən sənətkarın oğlu Hikmət Abdullayev atasının əlil arabasında gəzməsinə belə aydınlıq gətirib:

"Atam hazırda ev şəraitində müalicə olunur, ciddi həkim nəzarəti altındadır. Danışığında problemlər var, buna görə telefonunu biz cavablandırırıq, amma həkimlər onun sağalması üçün əllərindən gələni edirlər. Əlil arabasına gəlincə, yeriyə bilir, sadəcə olaraq yeriyəndə başı hərlənir. Buna görə arabadan istifadə edib. Atamın sağalması üçün dövlət hər cür kömək edir".

Xanəndənin müayinə və müalicə üçün Tükiyəyə aparılması planlaşdırılıbmı?

Oğlu atasının Azərbaycanda müalicə alacağını və qardaş ölkəyə aparılmayacağını bildirib.

Xatırladaq ki, xalq artisti xərçəng xəstəliyindən əziyyət çəkir.