Məşhur müğənni Kənan Doğulu ilk dəfə evliliyi ilə bağlı geniş açıqlama verib.  

Unikal.org qafqazinfo-ya istinadən xəbər verir ki, Doğulu aktrisa həyat yoldaşı Beren Saatla necə tanış olmasından da danışıb:

"İlk dəfə onunla evimdə təşkil olunmuş "Yeni il" mərasimində tanış olmuşam, ortaq bir dostumuzun sayəsində planlaşdırılmış görüş idi. Bereni bəyənməmək mümkün deyil. Onu tanımayanda belə haqqında danışarkən adam həyəcanlanırdı. Berenlə tanış olanda eşq sistemim tamamən çökdü, xətlərim qarışdı, ağlım uçdu. Altı dəfə evlilik təklifi etdim. Fərqli-fərqli yerlərdə sahildə, yeməkdə, konsertdə, filmdə. 6 üzük verdim. Hamısında da "Hə" cavabı verdi. Onsuz da müsbət cavab verəcəyini bilirdim. Biz Berenlə bir-birini başa düşən cütlüyük. Bəzən eyni evdə, ayrı-ayrı otaqlarda bir-birimizə şeir yazırıq".