Sutton United klubunun 125 kq çəkiyə malik qapıçısı Wayne Shaw ötən gün oyun zamanı nümayiş etdirdiyi iştahası ilə bütün dünyanın diqqətini cəlb edib.

Unikal.org xarici KİV-ə istinadən xəbər verir ki, ötən gün Sutton United - Arsenal (0-2) oyunu zamanı 45 yaşlı qapıçı ehtiyat oyunçular skamyasında oyunu izləyərkən böyük ölçüdə piroq yeyib.

Bu gün isə komandanın rəhbərliyi futbolçunun klubdan kənarlaşdırıldığını, müqaviləsinə xitam verildiyini elan ediblər.

İngiltərə mətbuatının yaydığı məlumata görə, qapıçının oyun zamanı gözlənilməz iştahasına səbəb mərc olub. Onun komanda yoldaşları mərcə giriblər.