Əməkdar artist Röya Ayxan ötən gün Nizami Kino Mərkəzində baş tutmuş "Stalinin başı" adlı filmin qala gecəsində iştirak edib.

Unikal.org xəbər verir ki, sənətçi məhz bu film üçün vətənə gəldiyini bildirib:

"Bakıya bu filmin təqdimatı üçün gəlmişəm. Onlara zarafatla deyirəm ki, beş manat xeyriniz yoxdur, 15 manat ziyanınızdan başqa. Sizə səmimi bir söz deyim. Ən çox bəyəndiyim film "Oğlan evi", "Həddən artıq uyğunluq" və "Bayram axşamı" olub".

İfaçı türkiyəli müğənni Soner Sarıkabadayı ilə olan işbirliyini aqibətindən də söz açıb:

"Sabah klip çəkilişləri üçün yenidən ölkəni tərk edəcəyəm. Artıq bir çoxları bilir ki, "O konu" adlı mahnımı təqdim etməyə hazırlaşıram. Soner Sarıkabadayı ilə duetdir. Rəqəmsal musiqi platforması olan "iTunes"da mart ayının 8-i və 9-na bronumuz var. İnşallah, həmin tarixlərdə mahnı dinləyicilərin ixtiyarına veriləcək. Klipə gəldikdə isə orada müharibə və əsgər yolu gözləyən bir qadından bəhs edilir. Ən çətin səhnələr Sonerin çiyinlərinə düşüb. Onun geyiminin çəkisi 67 kiloqramdır".big.az