Bu gün prezident İlham Əliyevin imzaladığı əfv sərəncamı ilə azadlığa buraxılanlar arasında "Xəzər Dəniz Gəmiçiliyinin sədr müavini olmuş Mübariz Mədətovun oğlu Xalid Mədətov da var.

Unikal.org xəbər verir ki, X.Mədətov 2014-cü ildə sərxoş vəziyyətdə idarə etdiyi bahalı "Galendawagen" markalı avtomobillə qəza törətmiş, nəticədə tarzən Ağasəlim Abdullayevin həyat yoldaşı və nəvəsi ölmüşdü.

Ona Bakı Ağır Cinayətlər Məhkəməsinin hökmü ilə 12 il həbs cəzası verilmişdi. O, cəzasını 3 ilini çəkdikdən sonra azadlığa buraxılıb.

Qeyd edək ki, bu hadisədən sonra Mübariz Mədətov vəzifəsindən kənarlaşdırılmışdı.