Moskvada Azərbaycan Respublikasının milli bayramı - Respublika Günü münasibətilə qəbulun gedişi zamanı Rusiya XİN başçısının müavini Qriqori Karasin virtualaz.org-a bildirib ki, UNESCO-nun baş direktorunun seçkilərində Rusiya Polad Bülbüloğlunun namizədliyini dəstəkləyir.
Unikal.org sözügedən sayta istinadən xəbər verir ki, rusiyalı diplomatın sözlərinə görə, Polad Bülbüloğlu bu vəzifəyə ən yaxşı namizədlərdəndir.
Xatırladaq ki, Azərbaycanın Rusiyadakı səfiri Polad Bülbüloğlu Təhsil, Elm və Mədəniyyət üzrə Birləşmiş Millətlər Təşkilatının baş direktoru vəzifəsinə rəsmən namizəddir. Onun namizədliyi Azərbaycan tərəfindən UNESCO-nun İcraiyyə Şurasına təqdim edilib. Seçkilər bu ilin payızında keçiriləcək.
