Bu həftəsonu Heydər Əliyev Mərkəzinin parkında cüdo üzrə dərs və uşaqlar üçün əyləncə təşkil olunub.
Unikal.org xəbər verir ki, iyulun 15-də cüdo üzrə dərsi dünya və Avropa çempionu, "Bakı-2017 İslam Həmrəyliyi Oyunlarının qalibi Elxan Məmmədov aparıb.
8-18 yaş arasında uşaq və yeniyetmələrin qoşulduğu dərs 1 saatdan artıq davam edib.
Axşam saatlarında isə Mərkəzin parkında açıq havada uşaqlar üçün müxtəlif əyləncə təşkil olunub.
"The Entertainer oyuncaq mağazasının iştirakı ilə təşkil olunan əyləncələrdə park ərazisində oyun zonası yaradılıb, müxtəlif intellektual və idman oyunları təşkil olunub. Uşaqlar, həmçinin köpük şousunda əylənib, eləcə də üzlərini arzularına uyğun şəkillərlə boyatdırıb, musiqi sədaları altında rəqs ediblər.
![](/photos/unikal/2017-07-16-17-01-1915002017675743556191_1000x669.jpg)
![](/photos/unikal/2017-07-16-17-00-4315002017672268449802_1000x669.jpg)