Gəndab-Yalama yolunda baş vermiş qəza nəticəsində yaralanan şəxslərin adları məlum olub.

Unikal.org report-a istinadən xəbər verir ki, qəza nəticəsində xəsarət alanların bəziləri Siyəzən, bəziləri isə Şabran xəstəxanasına yerləşdiriliblər.

Siyəzən xəstəxanasında olanlar:

1993-cü il təvəllüdlü Şirəliyeva Günel Ramiz qızı (vəziyyəti ağırdır)

1964-cü il təvəllüdlü Quliyev Ramiz Əli oğlu (vəziyyəti orta ağırdır)

1972-ci il təvəllüdlü Quliyeva Fatma Abbas qızı (vəziyyəti orta ağırdır)

Şabran xəstəxanasında olan yaralı:

2008-ci il təvəllüdlü Bakı şəhər sakini Quliyeva Mina Ramiz qızı (Sağ dirsəyin qapalı sınığı bədənin çox saylı sıyrıntıları)

Digər yaralıların adları hələ ki, məlum deyil

17:20

Şabran rayonunda baş verən yol qəzasında bir ailənin 6 üzvü ağır xəsarət alıb.

Unikal.org "Report"a istinadən xəbər verir ki, hadisə Gəndab-Yalama yolunun 1-ci kilometrliyində qeydə alınıb.

Belə ki, Bakı şəhərindən istirahətə gələn ailənin olduğu 10-UN-680 avtomobil qəzaya uğrayıb.

Qəza nəticəsində xəsarət alanlardan 2 azyaşlı Xaçmaz Mərkəzi Rayon Xəstəxanasına, 1 uşaq Şabran Mərkəzi Rayon Xəstəxanasına, 3 nəfər isə Siyəzən Regional Diaqnostika Mərkəzinə yerləşdirilib. Xəsarət alanların adları hələlik məlum deyil.

Xəstəxanalardan bildirilib ki, xəstələrə ilkin tibbi yardım göstərilib.

Faktla bağlı araşdırma aparılır.