Azərbaycanda ötən il ölənlər arasında 75-79 yaşlı insanlar üstünlük təşkil edib.

Unikal.org xəbər verir ki, "Reportun Dövlət Statistika Komitəsindən əldə etdiyi məlumata görə, ötən il qeyd olunan yaşda ölənlərin sayı 9180 nəfər olub.

Dünyasını dəyişənlər arasında ən aşağı rəqəm isə 10-14 yaşlılar arasında (174) qeydə alınıb.

Bundan başqa, ötən il 80-84 yaşında ölənlərin sayı 8616, 85 və daha yuxarı yaşda ölənlərin sayı 7305, 65-69 yaşlarında ölənlərin sayı 5357, 55-59 yaşlarında ölənlərin sayı 5010 nəfərə çatıb.

50-54 yaşlarında ölənlərlərin sayı ilə 70-74 yaşında dünyasını dəyişənlərin sayı bir-birinə yaxın olub.

Belə ki, ötən il Azərbaycanda 50-54 yaşlarında 3454, 70-74 yaşlarında isə 3874 nəfər ölüb.

Ötən il ölkədə ümumillikdə 56648 nəfər ölüb. Onlardan 29924 nəfəri kişi, 26724-ü qadınlar olub.