25-28 sentyabr 2017-ci il tarixləri arasında Cənubi Koreyanın Busan şəhərində "ITU Telecom World - 2017 beynəlxalq sərgisi keçirilib.

Unikal.org xəbər veruir ki, 25 sentyabr tarixində Busan şəhərinin BEXCO sərgi və konfrans salonunda rəsmi açılış mərasimi keçirilmiş bu mötəbər beynəlxalq tədbir 4 gün davam etib. BMT-nin informasiya-kommunikasiya texnologiyaları istiqaməti üzrə ixtisaslaşmış təsisatı olan Beynəlxalq Telekommunikasiya İttifaqının (BTİ) təşkilatçılığı ilə keçirilmiş bu beynəlxalq sərgidə Azərbaycanın İKT nümayəndə heyəti də iştirak edib.

Azərbaycan nümayəndə heyətinin tərkibində bu beynəlxalq tədbirdə təmsil olunan "Nar sərgidə təşkil edilmiş milli pavilyonumuzda özünün ən son nailiyyətləri - müxtəlif məhsul və xidmətlərini dünya ictimaiyyətinə təqdim edib. "Nar stendində sərgi ziyarətçiləri və qonaqlara operatorun müxtəlif innovativ xidmətləri, tətbiqlər və həllər nümayiş etdirilib. Bu beynəlxalq forumda iştirak edən "Nar əməkdaşları sərgi günləri ərzində İKT sahəsinin inkişaf tendensiyalarını müşahidə etmək, beynəlxalq praktikanın yeni istiqamətlərini dəyərləndirmək və geniş təcrübə mübadiləsi aparmaq imkanı qazanıblar.

"Azerfon şirkəti 21 mart 2007-ci ildə "Nar Mobile ticarət nişanı ilə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. "Nar ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. "Nar ölkədə ilk dəfə olaraq 3G texnologiyasını təqdim edib və geniş 4G şəbəkəsini abunəçilərinin istifadəsinə verib.

Mobil operator şəbəkə keyfiyyətinin davamlı təkmilləşdirilməsi strategiyası çərçivəsində səs keyfiyyətinin nəzərəçarpacaq dərəcədə artımını və səsin təmiz ötürülməsini təmin edən "HD-Voice (High Definition Voice) xidmətini təqdim edib. "Nar şəbəkəsi hazırda ölkə ərazisinin 93%-ni əhatə edir və 6000-dən artıq baza stansiyası ilə 2 milyondan çox abunəçiyə yüksəkkeyfiyyətli xidmət göstərir.