Aramsız yağan yağış Lənkəran Şəhər Mərkəzi Stadionuna da ciddi problem yaradıb.

Bu barədə Unikal.org-a "Palmali Şirkətlər Qrupunun Bakı nümayəndəliyinin mətbuat xidmətinin rəhbəri Hüseyn Cəbrayıloğlu məlumat verib:

"Stadionun inzibati binalarının hamısına ciddi ziyan dəyib. Bu günə qədər belə hal olmamışdı. Gecədən bütün işçi qüvvəsi hadisə yerində çalışır. Qabaqlayıcı tədbir olmasaydı, ziyan daha da böyük olardı. Hazırda su çəkilib, amma palçıq qatlar qalıb. Bunun da tam təmizlənməsi üçün iki ay vaxt lazımdır. Maddi ziyan da çox böyükdür. Stadionun ot örtüyündə elə də problem yoxdur.

Xatırladaq ki, Lənkəran Şəhər Mərkəzi Stadionu "Palmali Şirkətlər Qrupunun prezidenti Mübariz Mənsimovun rəhbəri olduğu "Xəzər Lənkəran futbol klubuna məxsusdur. 

Aygün İlqarqızı