Kapital Bank-ın "Gözəl peşə, özəl təklif adlı güzəştli kredit kampaniyası 30 noyabr 2017-ci il tarixədək davam edir. Aksiya çərçivəsində Kapital Bank kartları ilə məvacib alan təhsil işçilərinə illik faiz dərəcəsində 2%-dək endirim edilir, 8 000 AZN-dək məbləğdə kreditlər isə zaminsiz verilir.

Unikal.org xəbər verir ki, kreditin məbləği 300 - 20 000 manat təşkil edir, müddəti isə 3 aydan 48 ayadək rəsmiləşdirilə bilər. Kredit rəsmiləşdirilməsi üçün əmək haqqı kartı və şəxsiyyəti təsdiq edən sənəd tələb olunur.

Bundan başqa eyni layihə çərçivəsində Kapital Bank kartları ilə məvacib alan təhsil işciləri üçün nəzərdə tutulan "Payız fürsəti lotereyası da davam edir. Şərtlərə görə 30 noyabr 2017-ci il tarixinədək, Kapital Bank bankomatlarında mobil nömrələrini qeydiyyatdan keçirən təhsil işçiləri, avtomatik olaraq lotereyanın iştirakçısına çevriləcəklər.

2 noyabr və 4 dekabr 2017-ci il tarixlərində keçiriləcək tiraj zamanı ümumilikdə 500-dən artıq müxtəlif pul mükafatları sahiblərini tapacaq. Lotereyanın sonuncu tirajında isə 1 təhsil işçisi 3000 AZN əldə edəcək. İştirak qaydaları ilə saytdan tanış ola bilərsiniz - www.kapitalbank.az/tehsil-lotereya.

Azərbaycanda ən böyük filial şəbəkəsinə malik olan Kapital Bank, 92 filialı və 7 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.