Aşıq Ulduz Quliyeva, Samirə Əliyeva və Əli Tapdıqoğlu arasında qalmaqal yaşanıb.
Unikal.org Axşam.az-a istinadən xəbər verir ki, Əlinin "Aşıq sənətini beynəlxalq arenaya Samirə çıxardı sözləri U.Quliyevanı özündən çıxarıb. "Bizimləsən verilişinin qonağı olan aşıqlar arasında canlı yayımda mübahisə düşüb.
Ulduz qarşı tərəfin sözlərinə etirazını bildirib:
"Gənclərin əlində sazla gəzməsi bizim üçün baş ucalığıdır. 1991-ci ildə Amerikaya sazı aparan ilk aşıq mən olmuşam. Bizim sazımız dünyanı mat qoyan bir sənətdir. Hərə bunu bir formada yaşatmalıdır. Bu gənclərin meydana gəlməyində mənim rolum var. 1984-cü ildən əvvəl xanım aşıq yox idi. Onda bunlar heç yox idi. Mən meydana çıxdım, sonra başqa xanımlar gəldi bu sənətə. Məni əsəbiləşdirən odur ki, Əli dönə-dönə deyir, Samirə getdi, Samirə getdi. Getdi-getdi da....
Əli isə aşığın sözlərinə sərt cavab verib:
"Xanım aşıqlardan ilk və son dəfə Samirə dünya səviyyəsinə çıxıb. Çılğınam, hansısa səhv etmişəmsə, üzr istəyirəm. Samirə xanım oxuyanda sizə sual verirlər ki, necədir. Deyirsiz 40 il əvvəl oxuduq. Siz onu alqışlamalıydınız..
"Qadın aşıqlarımız var ki, onlar da sizdən əvvəl bu sənətə gəlib deyə, Samirə cavab verib.
Əli danışmaq istəyəndə U.Quliyeva əsəbiləşərək ona imkan verməyib:
"Ə, sən saxla... Əli bir dəfə dedi ki, qadından aşıq olmaz. İndi də deyir ki, Samirə ilə məndən başqa aşıq yoxdur. Saqqalın ağarsın Əli... Mənim bunlar kimi yüzdən artıq tələbəm var.
Aşıqların bu müzakirəsi mübahisəyə çevrilib.
