Səbail Rayon Məhkəməsində Türkiyədə yaşayan akirisa Tunay Əliyeva ilə həmkarı Pərvin Abıyeva arasında qaldırılmış qarşılıqlı iddialar əsasında məhkəmə iclası başlayıb.
Unikal.org-un xəbərinə görə, bu barədə "Report"a T.Əliyevanın vəkili Adəm Məmmədov məlumat verib.
Onun sözlərinə görə, hakim Nürəddin Bağırovun sədrliyi ilə keçirilən prosesdə hər iki tərəf qarşılıqlı iddia qaldırıb.
Vəkil bildirib ki, aktrisa P.Abıyeva müvəkkili T.Əliyeva barəsində kütləvi informasiya vasitələrində həqiqətə uyğun olmayan və böhtan xarakterli ifadələr işlətdiyinə görə, ondan 100 manat təzminat tələb edirlər: "Həmçinin, Pərvin Abıyevanın işlətdiyi sözlər qanunsuz hesab edirik və onun həmin sözləri təkzib etməsini istəyirik".
Daha sonra iclasda P.Abıyevanın vəkili Ceyhun Yusifov da çıxış edib. Müdafiəçi də müvəkkilinin şərəf və ləyaqətinin alçaldığını deyərək məhkəmədə 200 min manatlıq iddia qaldırdığını elan edib.
Məhkəmə hər iki iddianı icraata götürüb.
Növbəti proses fevralın 8-nə təyin edilib.
Qeyd edək ki, T.Əliyeva sosial şəbəkədə P.Abıyevanı dəfələrlə tənqid edib, onunla bağlı müəyyən ifadələr yazıb. O, mətbuata verdiyi açıqlamasında həmkarını "1000 manatlıq fahişə adlandırıb.
P.Abıyeva isə instaqram səhifəsində T.Əliyevaya cavab olaraq onun pul qarşılığında oğlanlarla görüşdüyünü iddia edib. Daha sonra hər iki tərəf məhkəməyə müraciət edib.
