Molla yasin oxuyur, nə oxuduğunu soruşduqda isə "bilmirəm" deyir. Vaxt çatdırmadığı üçün pulu götürüb, yasini sonra oxuyacağını deyənlər də var. Oxuyub-oxumayacağını isə bilmək olmur. Ramazan Bayramı ilə əlaqədaryaxınlarının məzarını ziyarət etmək üçün qəbirstanlıqlara üz tutanların çoxluğu bu cür ara mollalarnın bazarını canlandırıb.

Ölülər üçün yasin oxuyur, amma nə oxuduğunu heç özü də bilmir.

Hətta, təlabat çox olduğu üçün, vətəndaşlardan pul götürərək, ölünün adını qeyd edir, yasini isə vaxtı olanda oxuyacağını deyir.

Ramazan bayramı ilə əlaqədar olaraq yaxınlarının qəbrini ziyarət etmək üçün bu gün qəbirstanlıqlara üz tutanlar ya belə fırıldaqçılar ilə qarşılaşıblar, ya da ümumiyyətlə molla tapmayıblar.

Yasin oxuyan bu ağsaqqal isə əvvəlcə bizi görüb üzünü yana çevirsə də, sonradan ünvanlayacağımız suallar qarşısında çarəsiz qalıb, bizə hücum etdi.

Digər molla isə sual ünvanlayacağımızı bildiyi üçün yarım saat ərzində yasini oxuyub bitirmədi ki, bitirmədi. Bəziləri isə elə uzaqdan bizi görüb, qaçdılar. İlahiyyatçılar da təsdiqləyir ki, qəbristanlıqlardakı ara mollaları Quranı qayradalara uyğun oxumurlar.

İlahiyyatçı Ağa Hacıbəyli deyir ki, hər kəs özü ölüsü üçün Quran oxusa daha yaxşıdır.