Gəncədə azyaşlı suda boğularaq ölüb.

Unikal.org apa-ya istinadən verdiyi məlumata görə, hadisə şəhərin Səfəvilər küçəsində baş verib. Şəhər sakini, 2012-ci il təvəllüdlü Zülfüqar Sabir oğlu Hacıyev həyətdə olan su hovuzuna düşərək boğulub. 

Məlumata görə, azyaşlının valideynləri Bakıya gedib, uşağı nənəsinin yanında qoyublar. Nəzarətdən yayınan S. Hacıyev hovuza düşüb və orada boğulub.

Faktla bağlı hüquq-mühafizə orqanlarının əməkdaşları tərəfindən araşdırma aparılır.