"Televiziya Muğam Müsabiqəsi"nin finalçıları Miryusif Mirizadə (29) və Novruz Hüseynovun (28) ölüm xəbərləri ilə bağlı iddialar durmadan artır.

Unikal.org xəbər verir ki, qəzada həlak olduqları deyilən gənc ifaçıların qətlə yetirildiyi barədə Milli.Az-a məlumat daxil olub.

Novruz Hüseynovun sahibi olduğu deyilən - qəzaya uğramış həmin avtomobilin fotoları əldə edilib.

Maraqlısı budur ki, avtomobildən Miryusif Mirizadəyə məxsus cəsəd aşkar edilib. Məlum olub ki, Miryusif 17 bıçaq zərbəsi ilə qətlə yetirilib.

Lakin, öldüyü güman edilən avtomobil sahibi olan digər xanəndə Novruz Hüseynovun öldüyü-qaldığı barədə heç bir məlumat yoxdur.

Hazırda Novruzun axtarışları davam edir.

Bu da xanəndələrin içərisində olduğu avtomobilin son halı: