"Amrahbankın Səbail rayonu, Xaqani küçəsi 31 ünvanında yerləşən 24/7 rejimli Express filialı fəaliyyətə başlayıb.

Unikal.org xəbər verir ki, bu məqsədlə təşkil olunmuş açılış mərasimində Müşahidə Şurasının üzvü  Fazil Hüseynov, Müşahidə Şurasının müşaviri cənab Ülvi İldırmzadə, İdarə Heyətinin Sədri vəzifəsini icra edən xanım Leyla Məmmədbəyli, İdarə Heyətinin üzvləri, bankın əməkdaşları, qonaqlar, müştərilər iştirak edirdilər.

Açılış mərasimində çıxış edən İdarə Heyətinin Sədri v.i.e. Leyla xanım Məmmədbəyli bildirdi ki, "Amrahbank ın yeni qəbul olunmuş modern inkişaf strategiyasına müvafiq olaraq açılan Express filialı bankın tarıxində ilk dəfə olaraq 24 saat, 7 gün rejimində fəaliyyət göstərəcəkdir. Hesab edirik ki, açılan yeni filialımız təkcə paytaxtımızın sakinlərini deyil, eyni zamanda şəhərimizin qonaqlarını və turistlərinin də rahatlığını təmin edəcəkdir.

Mərasimdə çıxış edən qonaqlar və bankın əməkdaşları açılış ilə bağlı öz ürək sözlərini bildirdilər, yeni filialın fəaliyyətinə uğurlar arzu etdilər.

Nəzərinizə çatdırırıq ki, "Amrahbankın 24/7 rejimli Express filialı, şəhərin ən qaynar yerlərindən birində, Axundov adına Milli Kitabxananın qarşısında yerləşir. Yeni filialda müştərilər bütün növ bank xidmət və məhsullarından faydalana biləcəklər.

25 ildir ölkəmizin maliyyə bazarında uğurla fəaliyyət göstərən Amrahbank, Azərbaycanın ən aparıcı banklarından biridir və hal-hazırda 22 filiali, bir şöbəsı ilə fəaliyyət göstərir.