Azərbaycanlı şahmatçı Şəhriyar Məmmədyarovun qalmaqallı statusundan sonra ona sponsorlar tərəfindən çoxlu sayda müraciətlər ünvanlanıb.

Unikal.org xəbər verir ki, bu barədə  Şahmat Federasiyasının mətbuat katibi Sənan Şəfizadə öz feysbuk hesabında yazıb.

"İki bank, qida sektorunu təmsil edən bir şirkət, bir hotel onunla sponsorluq müqaviləsi imzalamağa hazırdır. Menecerinə yönəltmişik, yəqin, nəticəsi müsbət olacaq. Bir şirkət üç il müddətinə onun şəxsi saytını pulsuz idarə etmək, eləcə də, dizaynını yeniləməyi təklif etdi. Təkliflər az deyil. Sadəcə, çox istərdim ki, Şəhriyarın sponsoru dünya brend şirkətlərindən biri olsun, - deyə S.Şərifzadə qeyd edib.