"Fənərbaxça"da Filip Kokunun göndərilməsindən sonra komandanın yeni baş məşqçisinin adı məlum olub. 

Unikal.org xəbər verir ki, Super Liqa təmsilçisi Kokunun gedişindən sonra müvəqqəti olaraq baş məşqçi vəzifəsini yerinə yetirən Ervin Kumanla rəsmi müqavilə imzalamağa yaxındır. Bu barədə Türkiyə mətbuatı məlumat yayıb.

Xəbərdə "Fənərbaxçanın holland mütəxəssislə mövsümün sonuna qədər yeni sözləşmə imzalayacağı bildirilib. Kuman yeni müqavilə ilə illik 475 min avro məvacib alacaq.

"Fənərbaxçada mövsümün əvvəlində Filip Koku baş məşqçi postuna gətirilmiş, Kuman isə onun köməkçisi təyin edilmişdi. Uğursuz nəticələrdən sonra "bülbüllər Koku ilə yollarını ayırmışdı.

İstanbul təmsilçisi Kumanın rəhbərliyi altında çıxdığı son 3 oyunda 2 qələbə qazanıb, 1 dəfə də heç-heçə edib.

"Fənərbaxça hazırda Super Liqada 12 turdan sonra 13 xalla 13-cü sırada yer alıb.