“Azərbaycanda H1N1 virusu var. Xoşbəxtlikdən ağır xəstəliklərə səbəb olmur. Virus 65 yaş üstü  insanlarda, 5 yaşından kiçik uşaqlarda, hamilə qadınlarda, xroniki xəstəlikləri olanlar və səhiyyə işçilərində ağır xəstəliklərə səbəb ola bilir”. 

Unikal.org xəbər verir ki, bu sözləri Ümumdünya Səhiyyə Təşkilatının (ÜST) Azərbaycan üzrə ofisinin rəhbəri Hande Harmancı keçirdiyi mətbuat konfransında deyib.

Onun sözlərinə görə, bu xəstəlik ilk dəfə 2009-cu ildə yayıldğı zaman onu “donuz qripi” kimi adlandırıblar: "Lakin  bunun adı artıq mövsümi qripdir. Amma bu, "donuz qripi" yox, adi mövsümi qripdir. Yəni, bu, virus artıq "donuz qripi" də adlandırılmır. Donuz qripi donuzdan insana, daha sonra insandan insana keçdikcə buna artıq mövsümi qrip deyilir. İlk dəfə 2009-cu ildə dünyada son pandemiya faktı olub. Son pandemiyanı yaradan İnf A(H1N1) olub. Hər il müşahidə edilən mövsümi qripi A/H1N1 və A/H3N2 virusları törədir və indi də mövsümi qrip var".