Əmək və əhalinin sosial müdafiəsi naziri Sahil Babayev nazirliyin sifarişi ilə rayonda yaradılmış günərzi qayğı mərkəzinə baxış keçiriblər.
Unikal.org xəbər verir ki,  burada 30-dan çox uşaq gündəlik olaraq və gün ərzində yarımstasionar formada  xidmətlərlə təmin edilir. 
Mərkəzdə yaradılmış şərait, göstərilən günərzi qayğı xidmətləri nəzərdən keçirilib. S.Babayev göstərilən sosial xidmətlərdə yeni və daha səmərəli metodların tətbiqi, bu xidmətlərin əsasən reabilitasiya istiqamətində təşkili, əməkdaşların peşəkarlıq səviyyələrinin artırılması  və s. barədə tapşırıqlarını verib.
Hazırda Əmək və Əhalinin Sosial Müdafiəsi Nazirliyinin sifarişləri əsasında ixtisaslaşmış QHT-lər tərəfindən icra olunan sosial xidmət layihələri çərçivəsində 4 mindən çox uşağa reabilitasiya yönümlü sosial xidmətlər göstərilir.