Lənkəranda canavarlar növbəti dəfə mal-qaraya hücum edib.

Unikal.org xəbər verir ki, hadisə rayonun Ürgə kəndində qeydə alınıb. Kənd sakinlərinə məxsus mal-qara dənizkənarında qamışlıq ərazidə olarkən 2 canavarın hücumuna məruz qalıb. Nəticədə canavarlar 1 baş iribuynuzlu heyvanı parçalayıb. Kənd sakini, 1958-ci il təvəllüdlü Fərhad Mirzəyevə məxsus 2 iribuynuzlu heyvan isə yoxa çıxıb.