Əməkdar artist Lalə Məmmədovanın keçmiş həyat yoldaşı İlham Qafarov müğənniyə qarşı ağır ittihamlar səsləndirib. O, müğənninin onu aliment ödəməyə məcbur etdiyini, ümidsizlikdən intihara əl atmaq istədiyini deyib.

Keçmiş ərin cavabını L.Məmmədovanın prodüseri Vəfa Nuriyeva verib.

Unikal.org xəbər verir ki Yenicag.az-a açıqlama verən prodüser hazırda Lalənin konsert vermək üçün Amerikada səfərdə olduğunu bildirib:

“Lalə hazırda Amerikadadır, konsert verməyə hazırlaşır. Amma mən buradayam və Lalənin yerinə cavab verməyə hazıram. Birincisi, hər bir boşanmış kişinin borcudur ki, uşaqlarına görə aliment ödəsin. Lalə İlhamı heç nəyə məcbur etməyib, onun aliment verməsini qanun tənzimləyir. O adam Lalə haqqında ağzına gələni danışır, şər-böhtan atır ki, guya Lalənin bir neçə yerdə evi var. Lalənin evi olsaydı, atası evində yaşamazdı. İlhamın özünün Şüvəlanda bağ evi və başqa yerdə üçotaqlı mənzili var. O deyir ki, Laləylə evlənəndən sonra işini itirib. Yalandır. Lalə ilə İlham 2006-cı ildə evlənib, o isə işini 2004-cü ildə itirib. O, Lalənin “şot”una kef eləyib, indi ona şər-böhtan atmaqla məşğuldur”.

Qeyd edək ki, müğənninin keçmiş ərinin bu açıqlamasını Media.Az saytı yayıb.