Rusiyanın paytaxtı Moskvada 20 mindən çox insanın iştirakı ilə hökumətlə öncədən razılaşdırılmış mitinq keçirilib.

Unikal.org xəbər verir ki, bu barədə Rusiya Daxili İşlər Nazirliyinin Moskva üzrə Baş Polis İdarəsi məlumat yayıb.

Bildirilir ki, etirazçılar “Moskva işi” ilə bağlı saxlanılanlara dəstəklərini ifadə edərək, hakimiyyətə ünvanlanan “Azad et!” şüarı səsləndirirlər.

Qeyd edək ki, Saxarova prospekti və ona bitişik küçələrdə hərəkət tamamilə dayandırılıb. Son məlumata görə, aksiyaya 24,3 min nəfər qatılıb.