UEFA 2018/2019 mövsümündə Avropa Liqasının qrup mərhələsində çıxış edən klubların gəlirlərini açıqlayıb.

Unikal.org  qurumun rəsmi saytına istinadən xəbər verir ki, ötən mövsüm Azərbaycanı qrup mərhələsində təmsil edən “Qarabağ”ın ümumi gəliri 4 milyon 847 min 954 avro olub.

Bu məbləğin 2 milyon 275 min avrosu qrup mərhələsində iştiraka görə verilib.

“Qarabağ” ötən mövsüm “Arsenal” (İngiltərə), “Sportinq” (Portuqaliya) və “Vorskla” (Ukrayna) ilə E qrupunda mübarizə aparıb. Ağdam təmsilçisi qrup mərhələsi çərçivəsində yalnız səfərdə “Vorskla”nı məğlub edib, qalan görüşlərdə isə uduzub.