“Mançester Siti” İngiltərə Premyer Liqasının 20-ci turunda “Şeffild Yunayted”i məğlub edib – 2:0.

Unikal.org xəbər verir ki, bu qələbə “şəhərlilər”in baş məşqçisi Xosep Qvardiola üçün əlamətdar olub. Bu barədə klubun rəsmi saytı məlumat yayıb.

“Şeffild Yunayted” zəfəri ispan mütəxəssisin MS-lə Premyer Liqada 100-cü qələbəsi olub. Qvardiola yubiley qələbəsinə 134 oyunda çatıb. Beləliklə Xosep Qvardiola İngiltərə Premyer Liqasında 100 qələbə səddinə ən tez çatan baş məşqçi olub.

Bundan əvvəlki rekord Joze Mourinyoya aid idi. Portuqaliyalı mütəxəssis “Çelsi”də çalışarkən 142 oyuna 100 qələbə qazanmışdı.