“Abşeronda bütün problemlər surətlə həll olunur. Buna görə cənab Prezident İlham Əliyevə təşəkkür edirik”.

Unikal.org xəbər verir ki, bu fikirlər Abşeron Rayon İcra Hakimiyyətinin başçısı İradə Gülməmmədovanın keçirdiyi qəbulda vətəndaşlar tərəfindən səsləndirilib. Qeyd  edək ki, bu gün Rayon İcra Hakimiyyətinin binasında sakinlərin fərdi şəkildə qəbulu keçirilib. Qəbulda şəhid ailələri, Qarabağ müharibəsi əlilləri və ümumilikdə 60-a yaxın rayon sakini iştirak edib. 

Şəhid ailələri onlara icra hakimiyyətinin qapısının açıq olduğunu, hər gəlişlərində RİH başçısı tərəfindən qəbul edildiklərini qeyd ediblər. 

Görüşdə sakinlər tərəfindən qaldırılan məsələlər dinlənilib və həlli istiqamətində müvafiq addımlar atılıb. 

Qeyd edək ki, vətəndaşlar tərəfindən səsləndirilən müraciətlər əsasən işlə təmin olunma, sosial problemlər, mübahisəli torpaq məsələsi və digər suallar barəsində olub. Onlardan böyük bir qismi yerindəcə həl olunub. Digər problemlərin həlli isə aidiyyatı qurumlar tərəfindən nəzarətə götürülüb.